Gəncədə nişanlanan 14 yaşlı qızın valideynləri polisə çağırıldı - YENİLƏNİB

Hadisə 15 İyun 2024 14:40 Oxunub 236
Gəncədə nişanlanan 14 yaşlı qızın valideynləri polisə çağırıldı - YENİLƏNİB
WhatsApp kanalımıza abunə ola bilərsiniz

Gəncədə 14 yaşlı qızın nişanlanmasına görə valideynləri polis idarəsinə dəvət olunub.

Avtosfer.az xəbər verir ki, bu barədə "Report"a Daxili İşlər Nazirliyinin (DİN) Mətbuat xidmətinin Gəncə regional qrupunun baş inspektoru Eşqin Qasımov məlumat verib.

Bildirilib ki, məsələ ilə bağlı Gəncə Şəhər Baş Polis İdarəsində araşdırma başlanılıb.

"Sözügedən şəxlərin valideynləri polis idarəsinə dəvət olunub, onlarla profilaktiki söhbət aparılıb, qanunun tələbləri izah olunub və erkən nigahın məsuliyyəti barədə məlumat verilib", - deyə məlumatda qeyd edilib.

***

14:00

Gəncə şəhərində 14 yaşlı qızın nişanlandığı iddia olunur.

Bu barədə Azərbaycan Uşaqlar Birliyinin sədri Kəmalə Ağazadə paylaşım edib.

Paylaşımda 8-ci sinif şagirdinə toy mərasiminin keçiriləcəyi qeyd edilib.

Daxili İşlər Nazirliyinin (DİN) Mətbuat xidmətinin Gəncə regional qrupunun baş inspektoru Eşqin Qasımov "Report"a açıqlamasında bildirib ki, hazırda məsələ ilə bağlı araşdırma aparılır.

ŞƏRH YAZ
Ad

E-mail

Şərh