Goranboyda 3 nəfər bıçaqlandı - YENİLƏNİB

20.10.2025-ci il tarixində saat 00:20 radələrində xəsarət alması səbəbilə 2 nəfər (kişi) Goranboy Rayon Mərkəzi Xəstəxanasının Təcili tibbi yardım şöbəsinə hospitalizasiya edilib. 

TƏBİB-dən Avtosfer.az-a bildirilib ki, onlara sol qabırğa arası nahiyəsinin deşilmiş, sol bazunun ön səthinin cızılmış yarası diaqnozu təyin edilib.

Pasiyentlərə zəruri tibbi yardım göstərilib və ambulator müalicə üçün evə buraxılıblar.

***11:06

19.10.2025-ci il tarixində 20:00 radələrində 4 nəfər (3 qadın, 1 kişi) Gəncə Şəhər Birləşmiş Xəstəxanasının nəzdindəki tibb müəssisələrinə hospitalizasiya olunub.

TƏBİB-dən Avtosfer.az-a bildirilib ki, dəm qazının toksik təsiri diaqnozu təyin edilən 3 nəfərə Uşaq Xəstəxanasının Təcili tibbi yardım şöbəsində, 1 nəfərə isə Abbas Səhhət adına xəstəxananın Təcili tibbi yardım şöbəsində zəruri tibbi xidmətlər göstərilib. 

Vəziyyəti qənaətbəxş qiymətləndirilən şəxslər ambulator müalicə üçün evə buraxılıblar.

***

Goranboyda kafedə kütləvi dava zamanı 3 nəfər bıçaqlanıb.

"Unikal"ın məlumatına görə, hadisə rayonun Tapqaraqoyunlu kəndində yerləşən kafelərin birində baş verib. Belə ki, kənd sakinləri, 1997-ci il təvəllüdlü Elvin Alışov münaqişə zəminində həmkəndliləri 1973 -ci il təvəllüdlü Zaur Nağıyevə, 1976-cı il təvəllüdlü Elçin Quliyevə və 1993-cü il təvəllüdlü Eltun Alışova bıçaqla xəsarət yetirib.

Yaralılar dərhal xəstəxanaya yerləşdirilib. Onlara yardım edilib, hazırda vəziyyətlərinin normal olduğu bildirilir.

Hadisə yerinə polis əməkdaşları cəlb.

Faktla bağlı Goranboy rayon Polis Şöbəsində araşdırma aparılır.