Goranboyda göy satışı sahəsində alıcı üstündə DAVA DÜŞDÜ

Goranboyda sahədə kəndlilər arasında mübahisə sonda dava ilə nəticələnib.

Avtosfer.az-ın məlumatına görə, hadisə rayonun Xoylu kəndində göy satılan sahədə baş verib.
Dava zamanı 2002-ci il təvəllüdlü Yunus Qasımov döyülərək, ağır bədən xəsarətləri ilə xəstəxanaya yerləşdirilib. Ona ilkin tibbi yardım göstərilib, vəziyyətinin orta-ağır olduğu bildirilir.

İlkin ehtimallara görə, Y. Qasımova hücum zamanı “beşbarmaq” adlanan alətdən istifadə olunub.

Faktla bağlı rayonun hüquq-mühafizə orqanları tərəfindən araşdırma aparılır (Bizim.Media).