Göygöldə 35 yaşlı kişi mal bazarında yandı

Göygöl rayonunda qəssab köməkçisi mal bazarında yanıb.

Avtosfer.az oxu.az-a istinadən xəbər verir ki, bu gün səhər saatlarında baş verib.

Bazarda qəssab köməkçisi işləyən, Daşkəsən rayonunun Yuxarı Daşkəsən kənd sakini, 1990-cı il təvəllüdlü Vüsal Cəfərov iş yerində bir neçə kəsilmiş mal başını ütmək istəyib. O, keroqaza benzin tökərkən siqaret yandırıb və nəticədə əlindəki keroqaz və benzin qabı alışıb. Hadisə nəticəsində V.Cəfərovun hər iki əli və qolları yanıb.

O, təcili xəstəxanaya çatdırılıb.

Faktla bağlı araşdırma aparılır.