Göygöldə avtomobil yanıb, sürücü yanıq xəsarəti alıb - FOTO

Göygöldə yanğın hadisəsi baş verib. Avtosfer.az-ın APA-ya istinadən məlumatına görə, hadisə rayon ərazisində qeydə alınıb.

Belə ki, hərəkətdə olan avtomobil anidən alışaraq yanıb. Dərhal hadisə yerinə FHN-nin əməkdaşları cəlb olunub.

Avtomobil söndürülüb, yanğının ərazidəki avtomobillərə və əraziyə yayılmasının qarşısı alınıb.

Yanğın zamanı avtomobilin sürücü 1989-cü il təvəllüdlü E. Allahverdiyev yanıq xəsarətləri alıb.

O xəstəxanaya yerləşdirilib, vəziyyətinin normal olduğu bildirilir. Faktla bağlı araşdırma aparılır.