Həmkəndlisini qətlə yetirib, bir nəfəri də yaraladı - YENİLƏNİB

Şəkidə baş verən qətl hadisəsinin təfərrüatı məlum olub.

Avtosfer.az xəbər verir ki, hadisə voleybol oyunu zamanı işlədilən təhqiramiz ifadələrə görə olub.

Belə ki, Baş Göynük kənd sakini Paşa Yusibovun evinin yaxınlığında voleybol meydançası olub və kənd sakinləri vaxtaşırı həmin meydançada voleybol oynayırmış. İyulun 29-da axşam saatlarında kənd sakinləri həmin meydançada voleybol oynayarkən kənd sakini Dəyanət Həşimov söyüş söyüb. Söyüşü eşidən P.Yusibov evindən çıxaraq meydançaya gəlib və onlara söyüş söyməməyi tapşırıb. Nəticədə Dəyanət Həşimov və Bünyad Babazadə P.Yusibovla mübahisə ediblər, ardınca onu döyüblər.

Evinə qayıdan P.Yusibov yaşadığı mənzildən bıçaq götürüb, hadisə yerinə qayıdıb. O, ilk olaraq D.Həşimovu ürəyindən bıçaqlayıb. Daha sonra isə o, B.Babazadəni bıçaqlayıb.(oxu.az)

***09:12

Şəkidə 39 yaşlı kişi həmkəndlisini qətlə yetirib, bir nəfəri isə yaralayıb. 

Avtosfer.az-ın məlumatına görə, hadisə ötən gün  axşam saatlarında rayonun Baş Göynük kəndində qeydə alınıb. 

Belə ki, 39 yaşlı Paşa Yusibov kəsici alətlə həmkəndlisi, 38 yaşlı Dəyanət Həşimovu qətlə yetirib. Sözügedən şəxs daha sonra  24 yaşlı Bünyad Babazadəyə xəsarət yetirib. 

Cinayətdə şübhəli bilinən P.Yusibov polis əməkdaşları tərəfindən saxlanılıb. 

Faktla bağlı araşdırma aparılır.