Hərəkətdə olan maşının qapısından sallaşıb rəqs edən sürücü yıxıldı - VİDEO

Türkiyənin Bolu şəhərində qeyri-adi hadisə baş verib. 

Avtosfer.az xəbər verir ki, sürücü hərəkətdə olan avtomobilin qapısını açaraq musiqinin sədaları altında rəqs etməyə çalışıb. 

Görüntülərdə avtomobilin yol hərəkəti zamanı dayanmadığı, sürücünün isə özünü avtomobilin qapısından sallayaraq rəqs etdiyi aydın görünür. Məhz bu an ehtiyatsızlıq edən sürücü yıxılaraq asfalta çırpılıb və xəsarət alıb. Hadisə şahidlərinin məlumatına görə, yaralıya dərhal tibbi yardım göstərilib.

Bu görüntülər sosial mediada sürətlə yayılıb və geniş müzakirələrə səbəb olub. Ekspertlər qeyd edirlər ki, bu cür davranışlar yol hərəkəti qaydalarının kobud pozuntusudur və həm sürücünün, həm də digər yol iştirakçılarının həyatını təhlükəyə atır.

Bu hadisə bir daha sübut edir ki, sükan arxasında diqqətsizlik və məsuliyyətsiz davranışın nəticələri çox ağır ola bilər.

Eltac Zülfüqaroğlu