Hoteldə yanğın oldu - 6 nəfər öldü

Bu gün Cənubi Koreyanın cənub-şərqindəki Pusan liman şəhərində tikintisi davam edən hoteldə baş verən yanğın nəticəsində 6 fəhlə ölüb, 25 nəfər yaralanıb.

Avtosfer.az xəbər verir ki, bu barədə “Yonhap” agentliyi yerli hakimiyyət orqanlarına istinadən məlumat yayıb.

Pusan yanğınsöndürmə qərargahının məlumatına görə, yanğın səhər saat 10:50 radələrində tikilməkdə olan “Banyan Tree” hotelində başlayıb. Yanğınsöndürənlər 14 nəfəri təxliyə ediblər.

Bildirilib ki, yanğın başlayan zaman yüzlərlə fəhlə hadisə yerinin yaxınlığında olub. Cənubi Koreyanın prezidenti vəzifəsini icra edən Çxve San Mok xilasetmə işlərində köməklik göstərmək üçün bütün mövcud personal və avadanlığın səfərbər edilməsinə göstəriş verib.