İdarəetməni itirən sürücü ağaca çırpıldı; hadisə yerində öldü

Qubada ölümlə nəticələnən yol-nəqliyyat hadisəsi baş verib. DİN Mətbuat Xidmətinin Quba regional qrupundan Avtosfer.az-a verilən məlumata görə,  mayın 28-i axşam saatlarında Quba-Xaçmaz  yolunun 10-cu kilometrliyində Quba rayon sakini İlham Dadaşov idarə etdiyi "Hunday" markalı avtomobillə idarəetməni itirərək yol kənarında olan ağaca çırpılıb.

İ.Dadaşov aldığı xəsarətlərdən Quba RMX-da ölüb.

Faktla bağlı Quba RPŞ-nin istintaq bölməsində cinayət işi başlanılıb, araşdırmalar davam etdirilir.