İki milyon dollar müqabilində təyyarə qaçırmaq cəhdinin qarşısı alınıb

Rusiyanın Federal Təhlükəsizlik Xidməti (FTX) Ukrayna kəşfiyyatının “Tu-22M3” strateji bombardmançı təyyarəsinin Ukraynaya qaçırılmasının təşkili cəhdinin qarşısını alıb. "Report" xəbər verir ki, bu barədə Rusiya FTX-nin İctimaiyyətlə Əlaqələr Mərkəzi məlumat yayıb.

Məlumata görə, rusiyalı hərbçiyə təyyarəni qaçırmaq üçün azı 2 milyon ABŞ dolları vəd edilib:

“Rusiyanın Federal Təhlükəsizlik Xidməti Ukrayna xüsusi xidmət orqanlarının Rusiya Aerokosmik Qüvvələrinə məxsus strateji bombardmançı “Tu-22M3” təyyarəsini qaçırmaq üzrə növbəti əməliyyatı dayandırıb”.