İlan ən işlək qatar marşrutunun hərəkətini iflic etdi - FOTO

Yaponiyada ilan Tokio və Osaka şəhərləri arasında ən işlək sürət qatarı marşrutunun hərəkətini iflic edib. Buna səbəb bir metr uzunluğundakı ilanın elektrikötürücü xətlərin ətrafına dolanması olub.

Avtosfer.az xəbər verir ki, bu barədə "The Guardian" nəşri məlumat verib.

Məlumata görə, ilan qısaqapanmaya səbəb olub.

Nəşr qeyd edib ki, hadisə genişmiqyaslı nəticələrə yol açıb. Belə ki, aprelin 30-dan Yaponiyada "Qızıl həftə" - milli bayramlar silsiləsi başlayıb və bu zaman yerli sakinlər aktiv şəkildə ölkə daxilində səfərlər edirlər. Bundan əlavə, Osakada "Expo 2025" sərgisi açılıb ki, bu da çox sayda turisti cəlb edib.

Qatarların hərəkətini yalnız saat yarımdan sonra bərpa etmək mümkün olub. Bütün bu müddət ərzində sərnişinlər qatarların içərisində gözləməli olublar.(oxu.az)