İlham Əliyevdən Rəisinin helikopter qəzasına REAKSİYA

Hadisə 19 May 2024 20:11 Oxunub 322
İlham Əliyevdən Rəisinin helikopter qəzasına REAKSİYA
WhatsApp kanalımıza abunə ola bilərsiniz

Bu gün İran İslam Respublikasının Prezidenti İbrahim Rəisi ilə dostcasına xudahafizləşdikdən sonra ali nümayəndə heyətini daşıyan helikopterin İranda qəza enişi etməsi barədə xəbər bizi ciddi şəkildə narahat etdi.

 

Avtosfer.az xəbər verir ki, bu barədə Azərbaycan Prezidenti İlham Əliyev "X"dəki hesabında paylaşım edib.

 

"Uca Allahdan dualarımız Prezident İbrahim Rəisi və onu müşayiət edən nümayəndə heyəti ilədir. Qonşu, dost və qardaş ölkə olaraq Azərbaycan Respublikası hər cür dəstək göstərməyə hazırdır", - Azərbaycan Prezidenti qeyd edib.

 

Qeyd edək ki, göyərtəsində İran Prezidenti İbrahim Rəisinin olduğu Mi-171 helikopteri qəza enişi edib. Onun vəziyyəti barədə məlumat verilməyib.

 

İran Qızıl Aypara Cəmiyyətinin rəhbəri bildirib ki, axtarış-xilasetmə qrupları helikopterin sərt eniş yerinə yaxınlaşıb.

 

İran mətbuatı Rəisinin sağ olması barədə xəbər yaysa da, sonradan sözügedən məlumat silinib.

ŞƏRH YAZ
Ad

E-mail

Şərh