İmişlidə çınqıl karxanasında bədbəxt hadisə - 1 nəfər ölüb

İmişlidə çınqıl karxanasında baş verən bədbəxt hadisə nəticəsində bir nəfər dünyasını dəyişib.

Avtosfer.az-ın APA-ya istinadən məlumatına görə, hadisə rayon ərazisində yerləşən karxanalardan birində qeydə alınıb.

Sabirabad sakini, 1966-cı il təvəllüdlü Mansur Hüseyn oğlu Həsənov yük maşınına çınqıl yükləyən ekskavatorun ön hissəsinin onu baş nahiyəsinə dəyməsi nəticəsində ağır xəsarət alıb.

O, xəstəxanaya aparılarkən yolda vəfat edib.

Faktla bağlı araşdırma aparılır.