İşdən çıxarılan baş həkim TƏBİB-i məhkəməyə verdi

Beyləqan rayon Mərkəzi Xəstəxanasının işdən çıxarılan baş həkimi Üzeyir Ramiz oğlu İskəndərov TƏBİB-i məhkəməyə verib.

Avtosfer.az-ın məlumatına görə, keçmiş baş həkimin məhkəməyə müraciət etməsinə səbəb yenidən işə bərpa olunması ilə bağlıdır. Belə ki, əvvəlki işinə bərpa olunmaq istəyən Ü. İskəndərov bunun üçün TƏBİB-dən Nərimanov rayon Məhkəməsinə şikayət edib. Şikayətə hakim Solmaz Ədilova baxacaq. Qeyd edək ki, mediada yayılan məlumata görə, Üzeyir İskəndərov 2021-ci ilin oktyabr ayında Beyləqan rayon Mərkəzi Xəstəxanasının baş həkimi vəzifəsindən azad olunub.