İstirahət mərkəzində sürücü avtomobilini şəlaləyə dırmaşdırdı - VİDEO

Goranboyun Ağcakənd qəsəbəsində insanların təəccübünə səbəb olan xoşagəlməz hadisə baş verib. 
Avtosfer.az-ın məlumatına əsasən, hadisə dünən günorta saatlarında qeydə alınıb. Görüntüdən aydın olduğu kimi, istirahət mərkəzinə gələn vətəndaşlardan biri “Mitsubishi Pajero İO” markalı avtomobilini “Ballıqaya” şəlaləsinin altında saxlayıb. Sürücünün maşını hansı məqsədlə şəlaləyə park etməsi bəlli olmasa da, onun bu davranışı istirahət zonasına gələn, yaxın ərazilərdə yaşayan insanların qəzəbinə səbəb olub. Belə ki, onlardan biri olayı kameraya alaraq sürücünün bu davranışı “ədəbsizlik” adlandırıb.
Şəlalə ilə “moyka”nı səhv salan sürücünün etdiyi hərəkət qayda pozuntusu kimi qiymətləndirilməsə də, insanların asayişini pozduğu göz önündədir. 

Nərmin