İrəvandan Liona uçan təyyarəni ildırım vurdu

İrəvandan Lion şəhərinə uçan Niderlandın "Transavia" aviaşirkətinə məxsus təyyarəni ildırım vurub.

Bu barədə Avtosfer.az Ermənistan KİV-ə istinadən xəbər verir.

Təyyarədə olan sərnişinlərdən birinin verdiyi məlumata görə, insident təyyarə hündürlüyə qalxarkən baş verib, ildırım göyərtəni sağ tərəfdən vurub, gurultu səsi o qədər güclü olub ki, sərnişinlər arasında çaxnaşma başlayıb.

Sərnişinlərdən birinin səhhəti pisləşib və ona təyyarənin göyərtəsində olan həkim kömək edib.

Lakin təyyarə zədə almayıb və uçuşunu davam etdirib, təhlükəsiz şəkildə Liona eniş edib.