İş adamı arvadı ilə birgə öldürüldü

Rusiyalı kriptovalyuta taciri Roman Novak və onun həyat yoldaşı Anna Birləşmiş Ərəb Əmirliklərində (BƏƏ) kirayə qaldıqları villada qətlə yetiriliblər.  Avtosfer.az "Unikal"a istinadən xəbər verir ki, bu barədə Rusiya KİV yazıb. Cinayətin başvermə şəraiti və icraçılarının adları açıqlanıb, şübhəlilər saxlanılıb. Özünü dəfələrlə sahibkar və "Telegram"ın qurucusu Pavel Durovun dostu kimi tanıdan Roman Novak sürətli kriptovalyuta köçürmə proqramı olan "Fintopio"nun yaradıcısıdır. Onun inkişafı üçün təxminən 500 milyon dollar investisiya toplayıb, lakin pulu aldıqdan sonra yoxa çıxıb. 

Cütlüyün yaxınları Sankt-Peterburqda hüquq-mühafizə orqanlarına şikayət edib və bununla bağlı cinayət işi açılıb. Roman və Anna təxminən bir ay əvvəl Rusiyadakı ailələri ilə əlaqəni kəsmişdilər. Müstəntiqlər müəyyən ediblər ki, onlar oktyabrın 2-də Hattada investorlarla görüşməli idilər. Sürücü onları gölün yaxınlığındakı dayanacağa aparıb, oradan başqa maşına keçib və oradan uzaqlaşıblar. Sonra isə əlaqə kəsilib. 

İndiyədək cinayətlə bağlı səkkiz nəfər həbs edilib, onlardan dördü cinayətin ortağı olub, maşın və villa icarəyə götürüb, bıçaq alıb və s.