İstanbulda yük gəmisi aşdı

İstanbulun Ambarlı Mardaş Limanında konteyner gəmisi aşıb. 

Avtosfer.az xəbər verir ki, bu barədə Türkiyə mətbuatı yazıb. 

Qəzadan sonra yük gəmisində olan 15 heyət təxliyə edilib. Hadisə nəticəsində yüngül xəsarət alan 1 nəfər xəstəxanaya çatdırılıb və ona tibbi yardım göstərilib.

Balanssız yükləmə nəticəsində aşan gəminin Komor adaları bayrağı altında üzdüyü deyilir. 

Xilasetmə işləri liman rəhbərliyinin koordinasiyası ilə davam edir.