İtkin düşən gənc qızdan 7 gündür xəbər yoxdur: Araşdırmalara başlanıldı - YENİLƏNİB

Bakıda 28 yaşlı xanımın itkin düşməsi ilə bağlı araşdırma aparılır.

Bu barədə Daxili İşlər Nazirliyinin (DİN) Mətbuat Xidmətinin əməkdaşı Elbrus İbrahimov bildirib.

DİN rəsmisinin sözlərinə görə, hadisədə kriminal tərkib yoxdur, təfərrüatı ailədaxili məsələdir.

(oxu.az)

***

Bakıda gənc qız itkin düşüb.

Avtosfer.az xəbər verir ki, bu barədə Sabunçu RPİ-nin 13-cü Polis Şöbəsinə müraciət edilib.

Bakıxanov qəsəbə sakini A.Nəsirov müraciətində övladının itkin düşdüyünü qeyd edib. O bildirib ki, eyni ünvanda yaşadığı qızı A.Süleymanova sentyabrın 17-si saat 08 radələrində evi tərk edib və bir daha geri qayıtmayıb.

Polis hazırda məsələ ilə bağlı araşdırma aparır.