![Adına beş şirkət açıldı: vergi borcu gələndə xəbər tutdu - VİDEO](/upload/news/small/3478829.jpeg)
Jurnalistlər binasının qarşısında işıqfor işləmədi, NİİM işə qarışdı - RƏSMİ - VİDEO
![Jurnalistlər binasının qarşısında işıqfor işləmədi, NİİM işə qarışdı - RƏSMİ - VİDEO](/upload/news/1686896.jpeg)
Paytaxtın Səbail rayonu, Jurnalistlər binasının qarşısındakı işıqforun işləməməsi vətəndaşların narazılığına səbəb olub.
Avtosfer.az-ın məlumatına görə, problemlə bağlı jurnalist Günay Yelmarqızı sosial şəbəkə hesabında paylaşım edib. O, sözügedən ərazidəki işıqforun bir neçə gün öncədən işləmədiyini bildirib. Nəticədə ağır yol-nəqliyyat hadisəsinin baş verdiyini vurğulayan jurnalist işıqforun düzəlmədiyi halda yeni qəzalara səbəb olacağını qeyd edib. Xoşagəlməz mənzərəylə qarşılaşan digər jurnalistlər də məlumatı təsdiqləyiblər.
Səbail rayonu, Yeni Salyan yolu-20 ünvanında (jurnalistlər üçün inşa edilmiş binaların yaxınlığında) yolda olan işıqforun işləməsi ilə bağlı bəzi hallarda texniki problem yaranır. DİN-in Nəqliyyatı İntellektual İdarəetmə Mərkəzinin Mətbuat xidmətinin rəhbəri Ömər Xıdırov bildirib ki, problemin yaranmasına səbəb işıqforun özündə yox, ona verilən elektrik mənbəyi ilə bağlıdır. Belə ki, bir neçə ilə əvvəl binada yaşayan sakinlərin müraciəti əsasında yola işıqfor qoyulub. Həmin vaxt ərazidə mövcud infrastruktur (eleketrik xətti) olmadığından işıqfora binanın ümumi elektrik xəttindən enerji verilməsi təmin edilib. Hazırda binanın həyətində olan mövcud işıqlanma sistemində bəzi hallarda qısaqapanmaların olması ümumi elektrik mənbəyi xəttinə təsir göstərir və bu səbəbdən yolda olan işıqforın işində problem yaranır. Nəqliyyatı İntellektual İdarəetmə Mərkəzinin əməkdaşları tərəfindən binanın elektrik mənbəyində olan problemin aradan qaldırılması, ümumilikdə alternativ olaraq elektrik xəttinin çəkilməsi istiqamətində işlər görülür. İşlərin qısa müddətdə tamamlanması nəzərdə tutulub.
Nərmin