Kassir işlədiyi klinikanın 5 min manatını oğurladı

Paytaxtın Nəsimi rayonunda yerləşən özəl klinikaların birindən oğurluq edilib.

Avtosfer.az xəbər verir ki, həmin tibb mərkəzindən polisə müraciət olunaraq, kassadan 5000 manatın talandığı bildirilib.

Polis əməkdaşları tərəfindən keçirilən tədbirlə cinayət əməlini törətməkdə şübhəli bilinən 29 yaşlı L.Məmmədova müəyyən olunaraq saxlanılıb. Araşdırmalar zamanı məlum olub ki, o, pul vəsaitini kassir kimi çalışdığı klinikadan müxtəlif vaxtlarda hissə-hissə talayıb.

Fakt üzrə araşdırmalar davam etdirilir.