Kiyevə atılan “İskəndər”in qəlpələri səfirliyimizin binasına düşdü - FOTO - YENİLƏNİB

Rusiya ordusu noyabrın 14-nə keçən gecə Ukraynanın paytaxtı Kiyevə genişmiqyaslı zərbələr endirib.

Avtosfer.az xəbər verir ki, bu barədə məlumatı Ukrayna Prezidenti Volodimir Zelenski “X” hesabında paylaşıb.

Onun sözlərinə görə, rusiyalı hərbçilərin Kiyevə atdığı “İskəndər” raketinin qəlpələri Azərbaycan səfirliyinin binasına düşüb.

Zelenski bildirib ki, ümumilikdə hücum zamanı təqribən 430 dron və 18 raketdən istifadə olunub.

***

Azərtac-ın məlumatına görə, raketlərdən birinin səfirliyin ərazisinə düşməsi nəticəsində orada böyük bir yarıq əmələ gəlib.

Səfirliyimizin binası da daxil olmaqla divarlarına ciddi zərər dəyib. Divarın bir hissəsi uçub, həmçinin səfirliyin pəncərələri sınıb, diplomatlara məxsus avtomobillərə ziyan dəyib.