Kofe şopdan 143 manatlıq oğurluğa görə 2,6 il həbs

Yasamal rayonu Hüseyn Cavid prospekti 28E ünvanında fəaliyyət göstərən "More Cup” adlı kofe şopda oğurluq baş verib. Avtosfer.az-ın "Qaynarinfo"ya istinadən məlumatına görə, kofe şopdan 128 manat nağd pul və 15 manat dəyərində fincan oğrulanıb. Kofe şopa ümumilikdə 143 manat maddi ziyan dəyib.  Aparılan əməliyyat-axtarış tədbirləri nəticəsində hadisəni törətməkdə şübhəli bilinən şəxs saxlanılıb. Ona qarşı Cinayət Məcəlləsinin 177.2.3-cü ( Oğurluq - yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə) maddəsi ilə ittiham elan edilib. Həmçinin məhkəmənin qərarı ilə barəsində həbs qətimkan tədbiri seçilib. 
Cinayət işinin məhkəmə istintaqı Yasamal Rayon Məhkəməsində hakim Rauf Daşdərmirovun sədrliyi ilə aparılıb. Müttəhim verilmiş ittiham üzrə özünü qismən təqsirli bilib. O, bildirib ki, kofe şopdan yalnız pul oğurlayıb. Məhkəmənin hökmü ilə ona 2 il 6 ay azadlıqdan məhrumetmə cəzası təyin edilib.