Kömür şaxtasında qəza oldu - 13 nəfər yaralandı

Ankara vilayətindəki kömür şaxtalarından süxur qatlarının çökməsi nəticəsində 13 nəfərin yaralandığı bildirilir. Avtosfer.az xəbər verir ki, qəza aprelin 10-na keçən gecə Hırkatepe rayonunda baş verib.

Ankara valisi Vasip Şahin bildirib ki, yaralılardan birinin vəziyyəti ağır olaraq qiymətləndirilir. Onun sözlərinə görə, qəza zamanı şaxtada 29 nəfər olub.

Vali əlavə edib: “Yaralanan 11 şaxtaçı Beypazarı rayonunun dövlət xəstəxanasına çatdırılıb, 2 nəfərin müalicəsi isə Ankara xəstəxanasında aparılır”.

Qəzanın nəticələri ilə bağlı təhqiqat başladılıb.