Körpü UÇDU:  8 nəqliyyat vasitəsi çaya düşdü – 12 nəfər ölüb

Braziliyada çay üzərindəki körpünün uçması nəticəsində ölənlərin sayı artıb.

Avtosfer.az “AZƏRTAC”a istinadən xəbər verir ki, bu barədə “Agencia Brasil” məlumat yayıb.

Bildirilib ki, Maranhao və Tokantins əyalətlərini birləşdirən Juselino Kubitçek de Oliveyra körpüsünün uçması nəticəsində 12 nəfər ölüb.

Dekabrın 22-də baş verən hadisədə beş nəfərin axtarışı davam edirdi. Səlahiyyətlilər körpünün uçması zamanı 4 yük maşını, 2 minik avtomobili və 2 motosikletin çaya düşdüyünü açıqlamışdı.