Körpüdə qəzaya səbəb olan avtomobil şahə qalxdı; sürücü və sərnişin yaralandı - VİDEO

Türkiyənin Tekirdağ şəhərində baş verən yol-nəqliyyat hadisəsi nəticəsində avtomobil maneəyə çırpıldıqdan sonra dik vəziyyətdə qalıb.

Avtosfer.az xəbər verir ki, hadisə axşam saatlarında Tekirdağın Muratlı rayonu ilə Kırklarelinin Lüleburgaz rayonunu birləşdirən magistral yolda, Büyükkarıştıran qəsəbəsi yaxınlığında qeydə alınıb. Sürücünün idarə etdiyi 59-ALP-120 nömrə nişanlı avtomobilin idarəetməsini itirməsi nəticəsində yol kənarındakı maneələrə çırpılıb. Güclü zərbədən sonra avtomobil dik vəziyyətdə qalıb və qısa müddət sonra sürüşərək düzgün istiqaməti bərpa edə bilib. Nəticədə sürücü və sərnişin müxtəlif dərəcəli xəsarətlər alıb.

Hadisə barədə məlumat daxil olduqdan sonra əraziyə polis və xilasedici qruplar cəlb olunub. Yaralılar Tekirdağ İsmail Fehmi Cumalıoğlu Şəhər Xəstəxanasına aparılıb.

Qəza ilə bağlı araşdırmalar davam etdirilir.

Eltac Zülfüqaroğlu