Külək daha bir ağacı maşınların üzərinə aşırdı - VİDEO

Bakıda müşahidə olunan güclü külək paytaxtın bir sıra yerlərində təhlükəli vəziyyət yaradıb. Avtosfer.az xəbər verir ki, daha bir hadisə Ayna Sultanova küçəsi ilə Atatürk prospektinin kəsişməsində baş verib.

Güclü küləyin təsiri ilə məhəllədəki iri gövdəli ağaclardan biri kökündən qoparaq orada park edilmiş “Toyota Prius” markalı avtomobilin üzərinə aşıb. Hadisə nəticəsində nəqliyyat vasitəsinə ciddi ziyan dəyib – avtomobilin kapotu, damı və ön şüşəsi deformasiyaya uğrayıb. Xoşbəxtlikdən hadisə zamanı avtomobildə heç kim olmayıb. 

Ağacın aşması daha bir neçə avtomobilə də ziyan vurub.

Əraziyə dərhal Fövqəladə Hallar Nazirliyinin, eləcə də polis əməkdaşları cəlb olunub.

Eltac Zülfüqaroğlu