Lənkəranda mağazada yanğın - Alov digər obyektlərə keçib - FOTO

Lənkəran şəhərində yerləşən mağazalardan birində yanğın hadisəsi baş verib. Avtosfer.az xəbər verir ki, hadisə şəhərin "DOSA" adlanan ərazisində qeydə alınıb. Yanğınla bağlı əraziyə dərhal Fövqəladə Hallar Nazirliyinin Lənkəran Yanğından Mühafizə Hissəsinin iki texnikası və canlı qüvvəsi cəlb olunub. Həmçinin polis əməkdaşları və təcili tibbi yardım briqadası da hadisə yerinə yönləndirilib. Əldə edilən məlumata əsasən, alov artıq ətrafdakı mağazalardan birinə də keçib. Polis əməkdaşları tərəfindən ərazi nəzarətə götürülüb, təhlükəsizlik tədbirləri görülür. Hazırda alovun digər tikililərə keçməsinin qarşısını almaq üçün yanğınsöndürmə işləri davam etdirilir.