“Lexus” sürücüsü qəzaya düşdü; köməyə gələn şəxsi döyüb xəstəxanalıq etdi - VİDEO

Qəzaya uğramış sürücüyə kömək etməyə çalışan vətəndaş gözlənilməz hücuma məruz qalıb. Avtosfer.az xəbər verir ki, ABŞ-nin Mərkəzi Florida şosesində baş verən hadisə kameraya düşüb. Belə ki, ağ rəngli “Lexus” markalı avtomobil idarəetmədən çıxaraq dəmir arakəsmələrə çırpılıb. Yoldan keçən Hans Hamilton adlı şəxs qəzaya uğrayan sürücüyə yardım etmək məqsədilə avtomobilini saxlayıb. Lakin Hamilton qəza yerinə yaxınlaşarkən qarşı tərəfin qəfil hücumuna məruz qalıb. Nəticədə Hans Hamilton ciddi xəsarətlər alıb.

İlkin məlumatlara görə, zərərçəkəndə beyin qanaması və qabırğa sınıqları aşkarlanıb. Hazırda Hamiltonun səhhəti ilə bağlı müalicə tədbirləri davam etdirilir.

Hücum edən şəxsin 44 yaşlı Daniel Coman olduğu müəyyən edilərək saxlanılıb.

Hadisə ilə bağlı araşdırmalar davam edir.

Sözügedən hadisənin anbaan videosunu təqdim edirik:

Namiq Musayev