“Lyuk” qırılıb içərisində uşaqların olduğu maşına girdi – VİDEO

Rusiyada kanalizasiya quyusunun qapağı yüksək sürətlə içərisində qadın və uşaqlar olan avtomobilin ön şüşəsinə çırpılıb.

Avtosfer.az xəbər verir ki, hadisə Krasnoyarsk şəhərində baş verib.

Qadın avtomobillə hərəkətdə olarkən, yanından yüksək sürətlə keçən başqa bir maşın yoldakı kanalizasiya quyusunun qapağına dəyib. Zərbənin gücündən qapaq parçalanıb və həmin hissələrdən biri qadının sürdüyü avtomobilin ön şüşəsinə çırpılıb.

Xoşbəxtlikdən qapağın qırılan hissəsi heç kimin oturmadığı ön sərnişin oturacağına düşüb. Qadının ərinin sözlərinə görə, o, yalnız yüngül cızıqlarla xilas olub, avtomobildə olan uşaqlara xəsarət dəyməyib.

Hazırda kanalizasiya qapağının niyə yolun kənarında və bu vəziyyətdə olması araşdırılır. Qadın baş verənlərlə bağlı polisə müraciət edib./Medianews.az