Mağaza sahibləri ilə silahlı insident yaşandı – Çeçen öldü, 4 yaralı, 14 şübhəli var – ANBAAN VİDEO

Bir nəfərin ölümü, dörd nəfərin yaralanması ilə nəticələnən silahlı atışıma ilə bağlı cinayət işi açılıb. Avtosfer.az xəbər verir ki, Türkiyənin Mardin şəhərində baş verən hadisə kamera tərəfindən qeydə alınıb.

Məlumata görə, Kızıltepe rayonunda mağaza sahibləri ilə hələlik məlum olmayan səbəblərdən şəxslər arasında əvvəlcə mübahisə, daha sonra əlbəyaxa dava düşüb. Bu əsnada mağazanın içindəki şəxslərdən biri üzərində gəzdirdiyi silahla dava etdiyi insanlara atəş açıb.

Ətrafdakı vətəndaşların çağırışı ilə insident yerinə polis və təcili tibbi yardım gəlib. Xəsarət alan 5 nəfərdən biri  - 56 yaşlı Suud Çeçen ölüb, digər dörd nəfər isə xəstəxanaya aparılıb.

Polisin araşdırmasından sonra 14 şübhəli saxlanılıb. Şübhəlilərdən altısı həbs edilib, üçü məhkəmə nəzarəti altında, beşi isə prokurorluğa ifadə verdikdən sonra sərbəst buraxılıb.

Faktla bağlı cinayət işi açılıb, araşdırmalar davam etdirilir.

Sözügedən atışmanın anbaan videosunu təqdim edirik:

Namiq Musayev