Magistral yolda baş verən qəzada avtomobilin damı parçalandı - FOTO

Türkiyənin Bolu vilayətində dəhşətli yol-nəqliyyat hadisəsi baş verib.

Avtosfer.az xəbər verir ki, Ankara istiqamətində hərəkətdə olan avtomobil maneələrə çırpılıb.

Belə ki, Bolu vilayətinin Gerede rayonunda başverən qəzada 42-AYJ-257 nömrəli “Hyundai” markalı maşını icarəyə götürən sürücünün idarəetməni itirməsi nəticəsində yoldan çıxaraq Trans-Avropa Şimal-Cənub magistralının kənarları boyunca quraşdırılan dəmir məhəccərlərə çırpılıb. Qəza nəticəsində avtomobilin damı və mühərrikxanası parçalanıb.

Xilasetmə qrupları tərəfindən maşından çıxarılan ağır yaralı sürücüyə hadisə yerində ilkin tibbi yardım göstərildikdən sonra xəstəxanaya aparılıb.

Faktla bağlı araşdırma aparılır.

Eltac