Manaf Ağayev polisə çağırıldı - SƏBƏB

Manset.az saytının baş redaktoru Əli Vəliyev və müğənni Manaf Ağayev arasında qalmaqal yaşanıb. Bundan sonra müğənninin polis bölməsinə gətirildiyi bildirilib. Lakin M.Ağayev xəbəri təkzib edib. Avtosfer.az xəbər verir ki, müğənni “Globalinfo”ya açıqlamasında bildirib ki, saxlanması haqda deyilənlər doğru deyil, sadəcə dəvət edilib, növbəti gün ifadə verəcək.

Əli Vəliyev Manaf Ağayevin saxlanıldığını iddia edib:

“Əvvəla o, çağırılmayıb, məndə olan məlumata görə, gətirilib və hazırda polis bölməsindədir. Məni də onunla üzləşdirmək istədilər, lakin mən belə bir istəyimin olmadığını bildirdim. Çünki dünən onun adından mənə telefon zəngi edildi. Zəng edən şəxs Manaf Ağayevin adından danışdığını bildirdi və özünü kriminal avtoritet kimi təqdim etdi. Daha sonra “biz qardaşıq, problemləri biz həll edirik” kimi ifadələr işlədərək həm məni, həm də ailəmi təhdid etdilər. Ardınca ağır söyüş və təhqirlər səsləndirildi. Bununla bağlı Daxili İşlər Nazirliyinə müraciət etmişəm. Bu gün də o, saxlanılıb”.

Ə.Vəliyevin sözlərinə görə, zəng edən digər şəxslər hələ də müəyyən edilərək tapılmayıb:

“Mənə polis idarəsindən bildirildi ki, qarşı tərəf tapılıb gətirilənədək müğənninin saxlanılması barədə göstəriş verilib. Hazırda da o, polis idarəsindədir. Manaf Ağayev sizə açıqlama verib ki, guya sabah (5 iyul tarixində-red.) ifadə verməyə gələcək. Amma digər sayta deyir ki, hələ də bölmədədir. Ziddiyyətli açıqlamalar verir. Ona yalnız ailəsinə xəbər verməsi üçün, mənim yanımda qısa müddətə telefon verildi. Mən buna şəxsən şahid olmuşam”.