Masazırda avtomobildən oğurluq edilib  

Abşeron rayonu Masazır qəsəbəsi ərazisində “Toyota” markalı avtomobildən sənəd və nəqliyyat vasitəsinin dövlət qeydiyyat nişanını oğurlayan əvvəllər dəfələrlə məhkum olunmuş 36 yaşlı G.Abdullayev polis əməkdaşları tərəfindən saxlanılıb.

Daxili İşlər Nazirliyinin Mətbuat Xidmətindən Avtosfer.az-a verilən məlumata görə, həyata keçirilən digər tədbirlər zamanı isə Xırdalan şəhərində velosipedlər və mənzillərdən geyim əşyaları oğurlayan 20 yaşlı A.Əsədov, eləcə də narkotik cinayətlərinə görə əvvəllər məhkum olunmuş 47 yaşlı R.Paşayev saxlanılıblar. Faktlarla bağlı araşdırmalar aparılır.