Masazırda kuryerin idarə etdiyi motosiklet anidən alışaraq yandı - VİDEO

Abşeron rayonu (Bakı-Sumqayıt yolunun 7-ci kilometrliyi) Masazır dairəsində “Yamaha” markalı motosiklet yanaraq yararsız hala düşüb.

Avtosfer.az-ın məlumatına görə, hadisə sentyabrın 28-də səhər saatlarında qeydə alınıb. Belə ki, “Wolt” çatdırılma şirkətinin işçisinin idarə etdiyi motosiklet anidən alışmağa başlayıb. Yanğın qısa zamanda nəqliyyat vasitəsini tamamilə bürüyüb. Hadisə zamanı sürücü xəsarət almasa da, motosiklet sıradan çıxıb. Yanğının hansı səbəbdən baş verdiyi məlum deyil.

Hadisə yerinə FHN əməkdaşları cəlb olunub və yol kənarındakı kommunikasiya xətləri yanğından mühafizə olunub. Motosikletyanğından mühafizə bölmələri tərəfindən söndürülüb.

Nərmin