Maşın alverçisi 20-dən çox avtomobili satıb pulu mənimsədi - 25 milyonluq dələzudluq - VİDEO

İyirmidən çox insanın avtomobilini satıb pulunu mənimsəyən maşın alverçisi saxlanılıb. Avtosfer.az xəbər verir ki, hadisə Rusiyanın Ufa şəhərində baş verib. 
Belə ki, 49 yaşlı şəhər sakini avtosalon açaraq avtomobillərin satışını qəbul edib. O, vasitəçi kimi avtomobilləri satıb və pulları sahiblərinə qaytarmayıb. Nə pullarını, nə də avtomobillərini geri ala bilməyən maşın sahibləri polisə şikayət ediblər. Şikayətçilərin müraciəti əsasında hərəkətə keçən polis əməkdaşları 49 yaşlı şəxsi saxlayıblar. 
Hazırda ona külli miqdarda dələduzluq maddəsi ilə cinayət iş açılıb, araşdırmalar aparılır.  
Bildirilir ki, dəyən ziyan təxminən 25 milyon rubl (541.620 manat) təşkil edib.

Namiq Musayev