Maşın kanala aşdı, 5 nəfər xəstəxanalıq oldu - FOTO - YENİLƏNİB

Cəlilabad rayonunda yol-nəqliyyat hadisəsi nəticəsində xəsarət alanların şəxsiyyəti məlum olub.

Avtosfer.az xəbər verir ki, xəsarət alanların hamısı Biləsuvar rayon sakinləridirlər.

Onlar 1978-ci il təvəllüdlü Elnur Əlixan oğlu İsayev, 1982-ci il təvəllüdlü Günay Valeh qızı İsayeva, 2006-ci il təvəllüdlü Nurlanə Elnur qızı İsayeva, 2010-cu il təvəllüdlü Elmira Elnur qızı İsayeva və 1992-ci il təvəllüdlü İqbal İlham oğlu Cəfərovdur.

Faktla bağlı araşdırmalar davam etdirilir.(oxu.az)

***
Cəlilabadda yol-nəqliyyat hadisəsi baş verib, 5 nəfər xəsarət alıb.

Avtosfer.az APA-ya istinadən xəbər verir ki, hadisə rayonun Uzuntəpə-Günəşli yolunda qeydə alınıb.

“Ford” markalı nəqliyyat vasitəsi idarəetməni itirərək yol kənarındakı kanala aşıb. Əraziyə FHN-in xilasediciləri cəlb olunub.

Maşında olan 6 nəfərdən (4 qadın, 2 kişi) 5-i müxtəlif dərəcəli bədən xəsarətləri alaraq Cəlilabad Rayon Mərkəzi Xəstəxanasına hospitalizasiya olunublar. Onlardan 3-ü ambulator müalicə üçün evə buraxılıb. İki nəfərin müalicəsi xəstəxanada davam etdirilir.

Faktla bağlı araşdırma aparılır.