Maşından götürdüyü dəyənəklə sürücünün özünü döydülər - VİDEO

Türkiyənin Mardin vilayətinin Artuklu rayonunda yol vermə mübahisəsi fiziki qarşıdurmaya çevrilib.

Avtosfer.az xəbər verir ki, qeydə alınan hadisə zamanı avtomobil sürücüsü ilə yanacaq avtomobili sürücüsü arasında insident yaşanıb.

İlkin məlumata görə, yol vermə məsələsi ilə bağlı başlayan mübahisə qısa müddətdə əlbəyaxa davaya çevrilib. Yük avtomobilinin sürücüsü əlində olan çubuqla qarşı tərəfə hücum etməyə çalışsa da, bu çubuq vəziyyəti onun əleyhinə əksinə dəyişib.

Belə ki, həmin dəyənək minik avtomobilinin sürücüsünün əlinə keçib və yanacaq avtomobilinin sürücüsünü döyüb.

Ətrafdakı vətəndaşların müdaxiləsindən sonra qarşıdurma dayandırılıb. Hadisə yerinə polis və tibb briqadaları çağırılıb. Polis əməkdaşlarının müdaxiləsi ilə vəziyyət nəzarət altına alınıb.

Hadisə zamanı xəsarət alan şəxsə ilkin tibbi yardım göstərilib. Dava anları isə ətrafdakı şəxslər tərəfindən mobil telefonla qeydə alınıb və sosial şəbəkədə geniş yayılıb.

Eltac Zülfüqaroğlu