Maşının qabağına qəfil atılan gənc oğlan qəzadan saniyə ilə qurtuldu - REAL VİDEO

Paytaxtın Yasamal rayonunda “20 Yanvar” metrosu yaxınlığında qayda pozan piyada təhlükə yaradıb.

Avtosfer.az-ın məlumatına görə, hadisə yanvarın 5-də saat 09:12 radələrində qeydə alınıb. Kadrlardan görünür ki, gənc oğlan işıqfora məhəl qoymayaraq hərəkətdə olan avtomobilin önünə qəfil çıxıb. O, maşının hərəkətə başladığını görsə də, yolu keçməyə çalışıb və həm özünü, həm də sürücünü təhlükə qarşısında qoyub. Xoşbəxtlikdən sürücü vaxtında reaksiya göstərərək nəqliyyat vasitəsinin hərəkətini dayandırıb və baş verəcək qəzanın qarşısını alıb.

Qeyd edək ki, sürücü videonu sosial şəbəkə hesabında paylaşıb və hadisədən dərin qorxu keçirdiyini bildirib.

Təəssüf ki, bəzən piyadalar işıqfora fikir vermir, hətta son saniyələrdə yolu keçməyə cəhd edirlər. Bu, həm onların, həm də sürücülərin həyatını risk altına qoyur. Piyadaların yol hərəkəti qaydalarına əməl etməsi təhlükəsizliyin əsas şərtidir və qəza riskini xeyli azaldır.

Nərmin