Maşının üzərinə şığıyan piyada sürücüyə çətin anlar yaşatdı, yolu keçən it isə.. - VİDEO

Paytaxtın Babək prospektində qayda pozan piyada sürücüyə çətin anlar yaşadıb.

Avtosfer.az-ın məlumatına görə, hadisə fevralın 15-də saat 08:49 radələrində qeydə alınıb. Belə ki, orta yaşlı kişi yolu müəyyən olunmamış yerdən qaçaraq keçib. Kadrdan da göründüyü kimi, piyada hərəkətdə olan maşınları görsə də yolu keçərək həm özünü, həm sürücüləri təhlükəyə atıb. Xoşbəxtlikdən görüntünü qeydə alan sürücü piyadanı vaxtında görərək sağa manevr edib və siqnal verərək ona xəbərdarlıq edib. 
Hadisənin baş verdiyi ərazidən bir neçə metr irəlidə isə it piyada keçidinin yaxınlığından maşınlara baxaraq yolu keçib.

Təbii ki, hər bir piyada öz təhlükəsizliyini qorumaq üçün piyada keçidi nişanı və zolağının təşkil olunduğu yerlərdən yolu keçməlidir. Lakin sözügedən ərazidə piyada keçidləri arasında məsafə kifayət qədər çoxdur. Qanunvericiliyə görə, avtomobil yollarının yaşayış məntəqələrindən keçən hissələrində piyada keçidləri arasında məsafə 150-300 metr olmalıdır. 

Nərmin