Maskalı şəxslər şəhərin mərkəzində milyonerin qızını qaçırmağa çalışdı - VİDEO

Parisdə sakinləri qorxudan və küçədə təşvişə səbəb olan hadisə baş verib.

Avtosfer.az xəbər verir ki, Fransanın paytaxtı Paris şəhərində kriptovalyuta şirkətinin rəhbərinin qızını qaçırmağa çalışıblar.

Belə ki, Parisin mərkəzi küçəsində qızı ilə marketə girən kripovalyuta şirkətinin rəhbərinə qəfil hücum olunub. Maskalı 4 nəfər şirkət rəhbərinin qızını onun əlindən dartaraq oğulamağa çalışıb. Hadisə zamanı kişinin başına metal çubuqla dəfələrlə zərbə vursalar da, milyoner qızını buraxmayıb. Başı qanlar içində qalan şirkət rəhbərinin köməyinə alış-verişə girdiyi marketin işçisi çatıb. Əlində yanğınsöndürən balonla özünü küçəyə atan satıcının hərəkəti cinayətkarların maşına oturub aradan çıxmasına gətirib çıxarıb. Köməyə gələn vətəndaşlar milyonerə və qızına ilkin tibbi yardım göstərib və xəstəxanaya yerləşdirilməsinə səbəb olub.

Küçənin ortasında baş verən hadisəni Paris sakini evinin pəncərəsindən qeydə alıb. Market işçisinin cəsarətini alqışlayan sakinlər onu “qəhrəman” deyə çağırıb.

Hadisə ilə əlaqədar Paris polisi tərəfindən araşdırmalar aparılır. İlkin versiya milyonerin qızını qaçırıb daha sonra ondan pul tələb etməkdir.

Səfər