Maştağada “VAZ” transformatora çırpılıb partladı - FHN söndürdü - VİDEO

Paytaxtın Sabunçu rayonu Maştağa qəsəbəsində avtomobil alışaraq yararsız hala düşüb.

Avtosfer.az-ın məlumatına görə, hadisə noyabrın 4-də saat 23:50 radələrində “Savalan” yaşayış massivində qeydə alınıb. Belə ki, hərəkətdə olan “VAZ-2106” markalı minik avtomobili yol kənarındakı qaz borusuna çırpılıb. Nəticədə maşının mühərrik hissəsi və salonu yanıb. Xoşbəxtlikdən hadisə zamanı sürücü xəsarət almayıb.

Əraziyə Fövqəladə Hallar Nazirliyinin Dövlət Yanğından Mühafizə Hissəsinin əməkdaşları cəlb olunub. Avtomobil qısa müddətdə zərərsizləşdirilib.

Qeyd edək ki, sürücünün polis əməkdaşlarından yayınarkən maşını transformatora çırpdığı iddia olunub.

Nərmin