"Məni öldürəcək, xahiş edirəm, kömək edin" - VİDEO

Bursada Meltem Eken (55), boşanma ərəfəsində olduğu həyat yoldaşı Kadri Ekenin hücumundan qaçaraq taksiyə minib kömək istəyib. "Məni öldürəcək, xahiş edirəm, yardım edin" deyə çığıran qadın və taksi sürücüsü Kadri Ekenin açdığı atəş nəticəsində yaralanıb.

Avtosfer.az türk mediasına istinadən xəbər verir ki, Meltem Eken sağ biləyindən, sürücü isə dirsəyindən yaralanıb.

Kadri Eken saxlanılıb və barəsində "qəsdən həyat yoldaşını öldürməyə cəhd", "adam öldürməyə cəhd" və "qanunsuz silah saxlamaq" ittihamları ilə 20 ilə qədər həbs tələbi ilə cinayət işi açılıb. O, silahın təsadüfən atəş aldığını desə də, Meltem Eken bunun planlı cinayət olduğunu bildirib.

Meltem Eken hadisədən sonra psixoloji yardım alır, dərman qəbul edir və əlindən ciddi xəsarət alması səbəbindən gündəlik işlərini yerinə yetirə bilmir. Hadisə ilə bağlı istintaq davam edir.(son.xeber)