Müğənnini döyüb zorlayan azərbaycanlı 17 il sonra tutuldu - VİDEO

Krasnoyarsk diyarında azərbaycanlıya qarşı başlanmış cinayət işinin istintaqı yekunlaşıb. Həmin şəxs qadına təcavüz edib və 17 il hüquq-mühafizə orqanlarından gizlənib.

Avtosfer.az xəbər verir ki, cinayətin qurbanı müğənni işləyən Norilsk sakini olub. 2006-cı il noyabrın 25-də səhər tezdən yerli kafedə çıxışdan sonra 33 yaşlı şimallıya qonaqlardan biri, əslən azərbaycanlı tərəfindən evə getməyi təklif ediblər. Vətəndaş razılaşaraq maşına minib. Yolda sürücü deyib ki, yanacaq doldurmalıyıq. Nansen küçəsindəki qaraj sahəsinə daxil olaraq arxa oturacaqda oturan şəxs sərnişini döyüb və zorlayıb.

Daha sonra hücum edən şəxs heç nə olmamış kimi səfərə davam edib. Sürücü yenidən saxlayıb mağazaya gedəndə zərərçəkən qaçıb. Qadın kömək üçün ən yaxın polis bölməsinə müraciət edib. Faktla bağlı cinayət işi açılıb.
 

Azərbaycanlı onu axtaracaqlarını anlayıb və qaçıb. Əvvəlcə Dudinkaya gəlib. Bundan sonra yük barjasına minərək Yenisey çayı vasitəsilə Krasnoyarska gedib. Yoldaşlarının köməyi ilə Rusiya ərazisini tərk edərək vətəninə qayıdıb.

Hüquq-mühafizə orqanları təcavüzkarın şəxsiyyətini müəyyənləşdirsələr də, onu yalnız 2024-cü ildə yaxalaya biliblər. İstintaqçılar şübhəlinin Rusiya sərhədini keçərək Yekaterinburqa işləməyə gəldiyi barədə məlumat alıblar. 52 yaşlı Azərbaycan vətəndaşı saxlanılaraq Krasnoyarsk şəhərinə aparılıb.

Dindirilmə zamanı azərbaycanlı hər şeyi etiraf edib. Azərbaycan vətəndaşının sözlərinə görə, o, cinayət təqibinin müddətinin bitdiyini düşündüyü üçün geri qayıdıb.

Hücum edən şəxs “Zorlama” maddəsi ilə (Rusiya Cinayət Məcəlləsinin 131-ci maddəsinin 1-ci hissəsi) ittiham olunub. Hazırda istintaq yekunlaşıb. Materiallar ittiham aktının təsdiqlənməsi və daha sonra məhkəməyə təqdim edilməsi üçün prokurorluğa göndərilib. Təqsirləndirilən şəxs həbsdədir.

Azərbaycanlını 6 ilə qədər həbs gözləyir.

(lent.az)