Naməlum şəxs avtomobilini piyadaların üzərinə sürüb, yaralananlar var

İsrailin şimalındakı Hayfa şəhərində naməlum şəxs avtomobilini piyadaların üzərinə sürüb.

Avtosfer.az “Report”a istinadən xəbər verir ki, bu barədə yerli polis məlumat yayıb.

“The Times of Israel”in məlumatına görə, hadisə nəticəsində 8 nəfər yaralanıb.

Eyni zamanda, “Haaretz” nəşri 10 nəfərin xəsarət aldığını yazır, 2 nəfərin vəziyyətinin ağır, 4 nəfərin vəziyyətinin orta ağır olduğunu, qalanlarının isə yüngül xəsarət aldığını qeyd edir.

Polis insidentdən az sonra hadisəni törətməkdə şübhəli bilinən sürücünü saxlayıb.