Neftçala sakini marketdən oğurluq edərkən bıçaqlanıb

Neftçalada bıçaqlanma hadisəsi baş verib.

Avtosfer.az-ın “Report”a istinadən məlumatına görə, hadisə rayonun Aşağı Surra kəndində qeydə alınıb.

Belə ki, kənd sakini, 1985-ci il təvəllüdlü İbrahimov Mirzə Cəbrayıl oğlu kəsilmiş-deşilmiş yara ilə Salyan Mərkəzi Rayon Xəstəxanasına çatdırılıb.

Yaralının deməsinə görə, marketlərin birindən oğurluq edərkən tanıdığı şəxs tərəfindən bıçaqlanıb.

Faktla bağlı araşdırma aparılır.