"Nəriman Nərimanov" stansiyasında qatarda tüstülənmə olub - VİDEO - YENİLƏNİB

Metronun "Nəriman Nərimanov" stansiyasında qatarda baş verən tüstülənmənin səbəbi məlum olub.

"Bakı Metropoliteni" QSC-nin İctimaiyyətlə əlaqələr şöbəsinin rəisi Bəxtiyar Məmmədov bildirib ki, "N.Nərimanov" stansiyasında hərəkətdə olan qatarın işıqlandırma blokunda texniki nasazlıq qeydə alınıb.

"Normativlərə əsasən, sərnişinlər stansiyada düşürülərək qatar baxış üçün depoya yola salınıb, operativ şəkildə əvəzləyici qatar xəttə buraxılıb. Hazırda bütün xətlərdə intervallar qorunmaqla qatarların qrafik üzrə hərəkəti təmin olunub", - deyə B.Məmmədov bildirib./oxu.az

***13:18

Metronun "Nəriman Nərimanov" stansiyasında qatarda tüstülənmə baş verib.

Avtosfer.az baku.ws-ə istinadən xəbər verir ki, tüstülənmə səbəbindən bütün sərnişinlər düşürülüb.