Ömürlük həbsdə olan şəxs daha 13 nəfəri öldürübmüş

Rusiyada 13 ildir həbsdə olan şəxsin çoxsaylı qətllər törətməsi üzə çıxıb.

Avtosfer.az “Qafqazinfo”ya istinadən xəbər verir ki, bu barədə Rusiya Federal Penitensiar Xidməti məlumat yayıb.

Bildirilib ki, Vladimir Mirqorod adlı şəxsin törətdiyi 13 qətlin üstü 20 il sonra açılıb.

Belə ki, 3 qətldə təqsirli bilinərək məhkum edilmiş 45 yaşlı Mirqorodun 2002-2004-cü illərdə Moskva şəhərində 1-i uşaq, 12-si qadın olmaqla daha 13 nəfəri öldürməsi də sübuta yetirilib. Onun qurbanlarını boş ərazilərdə yaxalaması və təcavüz etdikdən sonra qətlə yetirməsi məlum olub.

İlk dəfə zorlama və quldurluqda məhkum olunduqdan sonra 2010-cu ildə azadlığa buraxılan və 2012-ci ildə yenidən tutulan V. Mirqorod hazırda ömürlük həbs cəzasını çəkir.

Təqsirləndirilən şəxs ittiham olunduğu cinayətləri etiraf edib.