Otelə basqın edilib, 11 nəfər qətlə yetirilib

Cənubi Afrikanın paytaxtı Pretoriyada bir otelin barına üç silahlı şəxsin basqını nəticəsində 11 nəfər ölüb, 25 nəfər yaralanıb. Avtosfer.az xəbər verir ki, paytaxt polisinin verdiyi məlumata görə, Pretoriyadan 18 kilometr qərbdə yerləşən Solsfild qəsəbəsindəki hadisədə ölənlər arasında iki uşaq və bir gənc də olub. Silahlı hücumun səbəbləri hələ də məlum deyil və heç bir şübhəli şəxs həbs edilməyib. Polisin verdiyi məlumata görə, bu ilin aprel ayından sentyabra qədər silahlı zorakılıq gündə təxminən 63 nəfərin həyatını son qoyub.