Ötmə qaydasına məhəl qoymayan sürücü sol zolaqdakı maşını sıxışdırdı - VİDEO

Öndəki nəqliyyat vasitələrini heçə saydı, qayda pozaraq onları ötüb keçdi.
Avtosfer.az xəbər verir ki, hadisə Əbdülvahab Salamzadə küçəsində qeydə alınıb. Avtomobilin videoregistratoruna düşən görüntülərdən aydın olduğu kimi arxadan gələn maşın hərəkətdə olan nəqliyyat vasitələrinə məhəl qoymayıb. Belə ki, “Runna” markalı, 99-GO-117 dövlət nömrə nişanlı avtomobilin sürücüsü öndə gedən maşının qarşısına keçərək ötmə qaydasını pozub. Solda gedən avtomobili sıxışdıraraq zolağın ortasıyla gedən “Runna” istəyini gerçəkləşdirdikdən sonra yenidən öz yoluna qayıdaraq yoluna davam edib. 
Qeyd edək ki, sürücüləri qəzəbləndirən “Runna” markalı avtomobilin sahibi “Yol hərəkəti haqqında” qanunun 51-ci maddəsində vurğulanan ötmə qaydalarına zidd hərəkət etdiyi üçün İnzibati Xətalar Məcəlləsinin 327.1 maddəsinə əsasən, 40 manat cərimə ödəmək məcburiyyətindədir. 

Nərmin